Khutbah idul fitri madura dari Smk Siding Puri Untuk Ummat

خُطْبَةْ عِيْدُ الْفِطْرِ 1 ‎اللهُ أَكْبَرُ (×٣) اللهُ أَكْبَرُ (×٣) اللهُ أَكْبَرُ (×٣) وَلِلّٰهِ اْلحَمْدُ،   اللهُ أَكْبَرُ كَبِيْرًا، وَالحَمْدُ لِلّٰهِ كَثِيْرًا وَسُبْحَانَ اللهِ بُكْرَةً وَأَصِيْلًا، لاَ إِلٰهَ إِلَّا اللهُ وَحْدَهُ صَدَقَ وَعْدَهُ وَنَصَرَ عَبْدَهُ وَأَعَزَّ جُنْدَهُ وَهَزَمَ الأَحْزَابَ وَحْدَهُ لَاإِلٰهَ إِلَّا اللهُ وَلَا نَعْبُدُ إِلاَّ إِيّاَهُ مُخْلِصِيْنَ لَهُ الدِّيْنَ وَلَوْكَرِهَ الكاَفِرُوْنَ .  اَلْحَمْدُ لِلّٰهِ, اَلْحَمْدُ لِلّٰهِ الَّذِيْ حَرَّمَ الصِّياَمَ أَيّاَمَ الأَعْياَدِ ضِيَافَةً لِعِباَدِهِ الصَّالِحِيْنَ. أَشْهَدُ أَنْ لاَ إِلٰهَ إِلاَّاللهُ وَحْدَهُ لاَشَرِيْكَ لَهُ, الَّذِيْ جَعَلَ الجَنَّةَ لِلْمُتَّقِيْنَ. وَأَشْهَدُ أَنَّ سَيِّدَنَا وَمَوْلاَنَا مُحَمَّدًا, عَبْدُهُ وَرَسُوْلُهُ الدَّاعِيْ إِلىَ الصِّرَاطِ المُسْتَقِيْمِ. اللّٰهُمَّ صَلِّ وَسَلِّمْ وَباَرِكْ عَلىَ سَيِّدِنَا مُحَمَّـدٍ وَعَلَى آلِهِ وَأَصْحاَبِهِ وَمَنْ تَبِعَهُمْ بِإِحْسَانٍ إِلىَ يَوْمِ الدِّيْنَ   أَمَّا بَعْدُ، فَيَآ أَيُّهَا المُؤْمِنُوْنَ أُوْصِيْكُمْ وَنَفْسِيْ بِتَقْوَى اللهِ فَقَدْ فَازَ المُتَّقُوْنَ. وَاتَّقُوْا اللهَ حَقَّ تُقاَتِهِ وَلاَتَمُوْتُنَّ إِلَّا وَأَنْتُمْ مُسْلِمُوْنَ. قال الله تعالى: أَعُوْذُ بِاللهِ مِنَ الشَّيْطَانِ الرَّجِيْمِ، بِسْمِ اللهِ الرَّحْمَنِ الرَّحِيْمِ الَّذِيْنَ يُنْفِقُوْنَ فِى السَّرَّۤاءِ وَالضَّرَّۤاءِ وَالْكٰظِمِيْنَ الْغَيْظَ وَالْعَافِيْنَ عَنِ النَّاسِۗ وَاللّٰهُ يُحِبُّ الْمُحْسِنِيْنَۚ Hadirin, sadejeh para jamaah idul fitri se hadir e tempat ka’dintoh, tor jugen sadejeh Masyarakat sekitar se bedeh e po’compok epon, se beden kauleh amolje’aki. e dhelem areh mangken ka’dintoh kauleh sareng penjenengan, patot asyokkor alhamdulillah de’ ka gusteh Allah SWT, se ka’dimmah kalaben iradeh tor ma’unah epon Allah, kauleh sareng panjengan eparengeh nikmat iman, islam, sehat tor eparengeh sempat kaangguy ngalaksana’aki solat sunnah idul fitri, tor bisah araya’aki areh kasoccean abe’, abe’ se berse, abe’ se anyar benni namong pera’ anyar kalambih, anyar rasogen ben laennah tapeh jugen anyar ateh ben nganyareh semangat abe’ kaangguy ibedeh de’ gusteh Allah SWT. Ibnu rojab adebu edelem ketab lathoiful ma’arif : لَيْسَ الْعِيْدُ لِمَنْ لَبِسَ الْجَدِيْدَ، إِنَّمَا الْعِيْدُ لِمَنْ طَاعَتُهُ تَزِيْدُ لَيْسَ الْعِيْدُ لِمَنْ تَجَمَّلَ بِاللِّبَاسِ وَالرُّكُوْبِ، إِنَّمَا العِيْدُ لِمَنْ غُفِرَتْ لَهُ الذُّنُوْبُ. Arte epon “sobung perayaan ied ka’dintoh e ka’andi’ oreng se ngagem kalambih anyar, saonggunah ied kaintoh e ka’andi’ oreng se atambe kata’atannah. Sobung ied kaintoh e ka’andi’ oreng se bekus e dhelem kalambinah tor kendara’annah, saonggunah ied kaintoh e ka’andi’ oreng se dusanah e saporah. Idul fitri ka’dintoh areh se possa’ kalaben kaberkaten, otabeh ekoca’ areh kemenangan de’ sadejeh ummat islam se ampon berjuang sabulen benteng e seyang areh, berjuang aperrang kalaben nafso yakni ajuang ka’angguy nahan lapar, nahan pelka’, jima’ ben laen laen epon. Tor jugen kauleh panjenengan sadejeh ampon maberse beden maberse abe’ kalaben asadeka makaloar zakat petra se e wajibaki de’ sadejeh ummat islam se notot de’ ka bulen poasah tor jugen bulen sabel sanajjen sakejje’. Se nomer due’ kauleh panjenegan sadejeh se padeh islam patot asyokkor alhamdulillah karnah ampon eparengih koat kaangguy ngalaksana’aki rukun islam se nomer empa’, yakni nagalakonih parenta ibede sataon sakalean aropa’aki apoasah e bulen romadhon, lastarenah parenta maos syahadat, asolat lema’ waktoh tor azakat bagi se ampon wajib azakat, tor samogeh jugen sareng gusteh allah kauleh panjengan eparengih gempang kaangguy nyamporna’aki rukun islam se nomer lema’ yakni e pa depa’ de’ mekkah Madinah hajji de’ baitullah aminn.. اللهُ أَكْبَرُ (×٣) وَلِلّٰهِ اْلحَمْدُ   para rabu se beden kauleh molje’aki, parloh e kaoningih je’ saonggunah areh mangken kadintoh e koca’aki idul fitri otabeh perayaan kasoccean abe’, asabeb kauleh sareng panjenengan ampon ngadebbih tello’ moment se loar biasah se bisah maberse abe’ masocceh abe’ deri dusah dusah se ampon e kalakoh kauleh panjenengan, sabeb kauleh panjengan aropah manossah biasah, se tak kerah lopot deri dusah kaleroh de’ padeh manossanah, binih de’ lakenah, lakeh de’ bininah, anak de’ reng sepponah, mored de’ gurunah kancah de’ kancanah tor dusah de’ hewan jugen mahluk laennah bilebbi dusah de’ ajunan Allah SWT. Milana kadintoh tello’ hal se bisah maberse dusah kauleh panjenengan aropa’aki kamora’an deri gusti Allah SWT se patot e syokkoreh tor e laksana’aki kalaben onggu onggu. Enggi kadintoh se bisah maberse dusah: pertama bedenah ibede poasah e bulan romadhon tor asolat idul fitri. Rasulullah adebu…   مَنْ صَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ   Arte epon, “paserah oreng se apoasah e bulen romadhon karnah parcajeh de’ Allah tor ngarep genjeren deri Allah maka dusah dusanah se ampon kalebet bekal esaporah sareng Allah SWT..” (HR Al-Bukhari dan Muslim). Rasulullah jugen adebu: اِذَا صَامُوْا شَهْرَ رَمَضَانَ وَخَرَجُوْا اِلَى عِيْدِهِمْ يَقُوْلُ اللهُ تَعَالىَ: يَا مَلاَئِكَتِيْ كُلُّ عَامِلٍ يَطْلُبُ أَجْرَهُ وَعِبَادِيْ اللَّذِيْنَ صَامُوْا شَهْرَهُمْ وَخَرَجُوْا اِلَى عِيْدِهِمْ يَطْلُبُوْنَ أُجُوْرَهُمْ أَشْهِدُوْا أَنِّي قَدْ غَفَرْتُ لَهُمْ Arte epon “e nalekanah kaum muslimin apoasah e bulan romadhan tor kaloar ngalaksana’aki sholat ied maka Allah bekal adhebu ‘ hei sadejeh malaikat..! sabben-sabben oreng se alakoh reah terro olleah opa, sedangkan tan kabuleh se apoasah ben ngalakonih sholat ied reah padeh terro kabbi olleah pahala, maka sakseaki je’ saonggunah sengko’ la nyaporah de’ oreng oreng se ngalakonih poasah kabbi. Se’e maksod poasah se bisah ngosot de’ dusah dusah kauleh panjenengan enggi panikah poasah se onngu onggu karnah Allah poasah se ajeuwih de’ ka se mabettal poasah akadih ade’er nginom ben samacemmah e seang areh bulan romadhon tor jugen ajeuwih de’ se mabettal pahalanah poasah akadih arasanan oreng, abenta lecek, ngabes maksiat tor dusah dusah se laen. Rasulullah adebu : كَمْ مِنْ صَائِمٍ لَيْسَ لَهُ مِنْ صِيَامِهِ اِلَّا الْجُوْعُ وَالْعَطَسُ Arte epon “bennyak onggu oreng se apoasah se tak ngaolle paponapah angeng perak lapar tor pelka’. Asabeb namong pera’ apoasah lapar, pelka’ tak apoasah deri maksiat. se nomer due’ se bisah maberse tor masocceh kauleh panjenengan enggi kadintoh bedenah makaloar zakat petra otabeh zekattah beden. Sahabet ibnu Abbas adebu… فَرَضَ رَسُولُ اللهِ ﷺ زَكَاةَ الْفِطْرِ طُهْرَةً لِلصَّائِمِ مِنَ الرَّفَثِ وَاللَّغْوِ، وَطُعْمَةً لِلْمَسَاكِينِ، مَنْ أَدَّاهَا قَبْلَ الصَّلَاةِ فَهِيَ زَكَاةٌ مَقْبُولَةٌ، وَمَنْ أَدَّاهَا بَعْدَ الصَّلَاةِ فَهِيَ صَدَقَةٌ مِنَ الصَّدَقَاتِ “Rasulullah awejibeki de’ zakat petra kangguy ma bersei de’ oreng se apoasah deri dhebu se ta’ sae sareng kalakoan sobung gunanah tor deddi de’eren de’ oreng mesken. Paserah se apareng zakat petra sabellummah shola ied maka deddi zakat se ekataremah, manabi apareng petra lastarenah sholat maka deddi sadhoqa biasah. alhamdulillah kauleh panjenengan ampon ngalaksanaaki zakat petra kengeng makaloar zakat deri masokna bulan romadhon tgl 1 sampe’ pelaksanaan solat iedul fitri gik buruh, manabi gik bedeh se gitak makaloar maka tetep ngakungih kawajiben kaangguy dulih nqodhoih meskipun ampon e nilai deddi sodaqah biasah. se nomer tello’ se bisah maberse tor masocceh kauleh panjenengan enggi kadintoh momen halal bi halal delem bentuk silaturrahim, saleng asaporah de’ sataretanan, sabele’en, satatangge’en, sakanca’an tor laennah. Rasulullah adebu… مَا مِنْ مُسْلِمَيْنِ يَلْتَقِيَانِ، فَيَتَصَافَحَانِ إِلَّا غُفِرَ لَهُمَا قَبْلَ أَنْ يَفْتَرِقَا Artinya: “sobung duwe’ oreng se atemmoh pas asalaman, angeng dusah kaduenah e saporah sareng allah sabelummah apesa,” (HR. Abu Dawud). Napah pole kauleh panjenengan pas amain ka compok compok, silaturrahim entar namoy ka compokna beleh, tatanggeh, kancah ben laennah, maka kadintoh lebbi utama tor bekal ngaolle genjeren, mora rejekeh, malanjeng omor tor dusah dusah e saporah. Rasulullah adebu…. إِذَا دَخَلَ الضَّيْفُ عَلَى الْقَوْمِ دَخَلَ بِرِزْقِهِ وَإِذَاخَرَجَ خَرَجَ بِمَغْفِرَةِ ذُنُوْبِهِمْ Arte epon “Manabi bedeh oreng masok namoy de’ oreng laen maka tamoy nikah masok kalaben ngibeh rajekkenah, tor manabi tamoy nikah kaloar maka kaloar kalaben maberse dusah dusanah oreng se e tamoyeh”. Para jamaah se emolje’aki allah. Tellok hal kadintoh se insya allah bekal maberse dusah dusanah kauleh panjenengan edelem sataon sakalean, saenggenah bedeh debu, jek saonggunah poasah kaintoh aropaaki madrasah Pelajaran hidup, paserah se lulus e delem madrasah romadhon maka bekal socceh berse abe’ berse ateh akadih gikburuh lahir. Samogeh kauleh panjenagan tamasoah kabuleh se socceh berse tor bisah ajegeh kasoccean panikah sampek epanggil sareng gusteh allah, sabeb alam dunnyah kaintoh sakejjek manabi tak kaloar deri dunnyah kalaben socceh maka tak bekal ontong neng alam akherat. Samogeh sadejeh ibede poasah, zakat petra, solat ied, tarawih, maos quran, sadeka ben ibede ibede laennah e kataremah sareng gusteh allah, se madeddih kasoccean kauleh panjenengan tor deddiyeh sangoh de’ alam akherat pagik. Aminn ya rabbal alamin. إنَّ أَحْسَنَ الْكَلَامِ كَلَامُ اللهِ الْجَلَالِ وَالْإِكْرَامِ أَعُوْذُ بِاللهِ مِنَ الشَيْطَانِ الرَجِيْمِ وَالْعَصْرِۙ ۝١ اِنَّ الْاِنْسَانَ لَفِيْ خُسْرٍۙ ۝٢ اِلَّا الَّذِيْنَ اٰمَنُوْا وَعَمِلُوا الصّٰلِحٰتِ وَتَوَاصَوْا بِالْحَقِّ ەۙ وَتَوَاصَوْا بِالصَّبْرِࣖ ۝٣ بَارَكَ اللهُ لِيْ وَلَكُمْ فِيْ الْقُرْأَنِ الْعَظِيْمِ وَنَفَعَنِيْ وَإِيَّاكُمْ بِمَا فِيْهِ مِنَ الْأَيَاتَ وَالذِّكْرِ الْحَكِيْمِ أَقُوْلُ قَوْلِيْ هَذَا وَأَسْتَغْفِرُ اللهَ لِيْ وَلَكُمْ وَلِجَمِيعِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنَّهُ هُوَ غَفُوْرٌ رَحِيْمٌ. *** خُطْبَةْ عِيْدُ الْفِطْرِ 2   اللهُ اَكْبَرُ (٣×) اللهُ اَكْبَرُ (٤×) اللهُ اَكْبَرُ كبيرًا وَاْلحَمْدُ للهِ كَثِيْرًا وَسُبْحَانَ الله بُكْرَةً وَ أَصْيْلاً لاَ اِلَهَ اِلاَّ اللهُ وَاللهُ اَكْبَرْ اللهُ اَكْبَرْ وَللهِ اْلحَمْدُ   اَلْحَمْدُ لِلّٰهِ الَّذي وَكَفَى، وَأُصَلِّيْ وَأُسَلِّمُ عَلَى سَيِّدِنَا مُحَمَّدٍ الْمُصْطَفَى، وَعَلَى آلِهِ وَأَصْحَابِهِ أَهْلِ الصِّدْقِ الْوَفَا. أَشْهَدُ أَنْ لَّا إلٰهَ إِلَّا اللهُ وَحْدَهُ لَا شَرِيْكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ   أَمَّا بَعْدُ، فَيَا أَيُّهَا الْمُسْلِمُوْنَ، أُوْصِيْكُمْ وَنَفْسِيْ بِتَقْوَى اللهِ الْعَلِيِّ الْعَظِيْمِ وَاعْلَمُوْا أَنَّ اللهَ أَمَرَكُمْ بِأَمْرٍ عَظِيْمٍ، أَمَرَكُمْ بِالصَّلَاةِ وَالسَّلَامِ عَلَى نَبِيِّهِ الْكَرِيْمِ فَقَالَ: إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا، اَللّٰهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيْمَ وَعَلَى آلِ سَيِّدِنَا إِبْرَاهِيْمَ وَبَارِكْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا بَارَكْتَ عَلَى سَيِّدِنَا إِبْرَاهِيْمَ وَعَلَى آلِ سَيِّدِنَا إِبْرَاهِيْمَ، فِيْ الْعَالَمِيْنَ إِنَّكَ حَمِيْدٌ مَجِيْدٌ   اَللّٰهُمَّ اغْفِرْ لِلْمُسْلِمِيْنَ وَالْمُسْلِمَاتِ والْمُؤْمِنِيْنَ وَالْمُؤْمِنَاتِ الْأَحْيَاءِ مِنْهُمْ وَالْأَمْوَاتِ، اَللّٰهُمَّ ادْفَعْ عَنَّا الْبَلَاءَ وَالْغَلَاءَ وَالْوَبَاءَ وَالْفَحْشَاءَ وَالْمُنْكَرَ وَالْبَغْيَ وَالسُّيُوْفَ الْمُخْتَلِفَةَ وَالشَّدَائِدَ وَالْمِحَنَ، مَا ظَهَرَ مِنْهَا وَمَا بَطَنَ، مِنْ بَلَدِنَا هَذَا خَاصَّةً وَمِنْ بُلْدَانِ الْمُسْلِمِيْنَ عَامَّةً، إِنَّكَ عَلَى كُلِّ شَيْءٍ قَدِيْرٌ   عِبَادَ اللهِ، إنَّ اللهَ يَأْمُرُ بِالْعَدْلِ وَالْإحْسَانِ وَإِيْتَاءِ ذِي الْقُرْبَى ويَنْهَى عَنِ الفَحْشَاءِ وَالْمُنْكَرِ وَالبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذكُرُوا اللهَ الْعَظِيْمَ يَذْكُرْكُمْ وَلَذِكْرُ اللهِ أَكْبَرُ. Ditulis oleh: M. Syaiful Anwar, M.Pd.,M.Ag. Kepala sekolah SMK Siding Puri